Jarduerak
Jarduera batean parte hartu nahi?
Jarduera ezberdinen berri izanen duzu atal honetan. Jokoenearen helburua jokoen biltegia izateaz gain hauen zabalkundeari laguntzea da. Bertan, jarduera ezberdinetan parte hartzeko aukera edukiko duzu eta egitasmo desberdinen bidez jokoen inguruan ezagutza landu ahalko duzu. Zure lagunekin batera hurbiltzera animatzen zaitugu, eremu aberats eta libre bat sortzeko.
Jokoen inguruan egon daitezkeen ekitaldien berri eman eta hori sustatzen ibiliko gara. Beraz, hau da horren berri izateko txoko aproposa. Ez ezazu galdu aukera eta parte hartu. Izan zaitez gure bidelagun.
Oraingoz, poliki joango gara eta erakusketak baino ez ditugu egingo.
Datozen jarduerak
Bakar-jokoen erakusketa
Bakar-jokoak pertsona bakarrak joka dezan asmatutako jokoak dira, batzuetan lagunekin ere jokatzea badago ere. Bakar-jokoak askotarikoak dira eta sailkapen zehatza egitea zaila da. Erakusketan bakar-joko mota hauek ikusiko dituzu:
korapiloak (piezak askatzekoak), labirintoak (irteera bilatzea), hiru dimentsioko puzzleak (desmuntagarriak), bi dimentsioko puzzleak (irudi bat osatzeko edo irudi asko osatzeko), posizio-jokoak (piezak posizio batera mugitzekoak), kutxa itxiak (kutxak irekitzea).
Ikusten duzunez, makina bat aukera ondo pasatzeko.
NOIZ: 2021-05-18
Karta-sorten erakusketa
Kartak iragarpenak egiteko makilatxoetan egiten ziren marketatik omen datoz. Karten oinarrizko ezaugarriak, bai ekialdean bai mendebaldean, serietan banatutako egitura eta serie bakoitzaren kartek duten hierarkia dira, zibilizazio bakoitzak bere ezaugarria erantsi badio ere.
Karta-sorten artean egin daitekeen beste sailkapen bat izan daiteke aspalditik datozen karta-sortak eta horien aldaerak, zeinek, oro har, egitura bera gordetzen baitute, eta gaur egun asmatzen diren jokoei lotuta dauden kartak, berezko egitura dutenak.
Karta-sorta batzuek joko askotan jokatzeko aukera ematen dute, esaterako karta-sorta espainolak eta frantsesak. Beste karta-sorta batzuk, aldiz, joko baterako asmatuak izan dira, Mah Jong bezala. Bietatik aurkituko duzu erakusketa honetan.
NOIZ: 2020-02-16
Proposatu zure data jolastera etortzeko: